गुल्मी, १३ कात्तिक । बुटवलबाट तम्घासतर्फ गइरहेको माइक्रो बस गुल्मी दरबार गाउँपालिका–३ स्थित वीरबास भन्ने स्थानमा सोमबार दिउँसो दुर्घटना भएको छ ।
Advertisement
बा ४ ख ५५०१ नम्बरको माइक्रो सडकबाट ३ सय मिटर तल खसेको प्रहरीले जनाएको हो ।
दूर्घटनामा परी ७ जनाको मृत्यु भएको छ भने ६ घाइते रहेका छन् ।
घाइतेमध्ये तीन जनाको अवस्था गम्भिर रहेको बताइएको छ ।
मृतक तथा घाइतेको सनाखत हुन सकेको छैन ।
हाल उद्दार कार्य जारी रहेको प्रहरीले जानकारी दिएको छ ।
बुटवलबाट १३ जना यात्रुको चलानी भएको पाइएको छ । बीचमा कति यात्रु थप गरिएको यकिन हुन सकेको छैन ।
स्थानीयका अनुसार बिपरित दिशाबाट आएको जीपसँग ठोक्किएर माइक्रो भीरबाट खसेको हो ।
