संगालोखबर 
विराटनगर । नेपालको चर्चित चाउचाउ ब्रान्ड ‘रमपम’ अन्तर्राष्ट्रिय क्रिकेटको मञ्चमा छाएको छ । भारत र वेस्ट इन्डिजबीच आयोजित क्रिकेट प्रतियोगितामा विराटनगरमा उत्पादित रमपम ‘ग्राउन्ड स्पन्सर’ को रूपमा सहभागि भएको हो ।
खेलका क्रममा बाउन्ड्रीको विज्ञापन स्क्रिनमा भारतीय क्रिकेटका स्टार खेलाडीहरू विराट कोहली र रोहित शर्मासँगै नेपाली ब्रान्ड रमपमको विज्ञापन देखिएको छ । यसले नेपाली ब्रान्डलाई विश्वभरका दर्शकमाझ चिनाउन सफल भएको कम्पनीले जनाएको छ ।
अन्तर्राष्ट्रिय खेलकुद प्रसारणहरूमा नेपाली व्यावसायिक घराना तथा स्वदेशी ब्रान्डको उपस्थितिलाई नेपालका उद्योगी-व्यवसायीहरूले खुसी व्यक्त गरेका छन् ।
