कोशी प्रदेश योजना आयोगमा नियुक्त सदस्यहरूले लिए शपथ

विराटनगर । कोशी प्रदेश योजना आयोगमा नवनियुक्त सदस्यहरूले पद तथा गोपनीयताको सपथ लिएका छन् । नवनियुक्त सदस्यहरू तोयानाथ खतिवडा र हरिकुमारी राईले आज पद तथा गोपनीयताको शपथ लिएका हुन् ।

उनीहरूलाई कोशी प्रदेशका मुख्यमन्त्री हिक्मतकुमार कार्कीले सपथ ग्रहण गराएका छन् । बिहीबार बसेको मन्त्रिपरिषद् बैठकले खतिवडा र राईलाई प्रदेश योजना आयोगको सदस्य पदमा नियुक्त गर्ने निर्णय गरेको थियो ।

यसअघिका सदस्यहरूले राजीनामा दिएपछि रिक्त रहेको पदमा उनीहरूलाई नियुक्त गरिएको हो ।