संगालोखबर 
सिरहा । सिरहाको कर्जन्हा नगरपालिका-४ भुल्केस्थित पूर्वपश्चिम महेन्द्र राजमार्गमा यात्रुवाहक विद्युतीय गाडीलाई टिपरले ठक्कर दिँदा एक जनाको मृत्यु भएको छ ।
दुर्घटनामा पाँच जना घाइते भएका छन् । घाइतेमध्ये दुई जनाको अवस्था गम्भीर छ । दुर्घटनामा गोलबजार नगरपालिका-४ की ४५ वर्षीया शोभा कुमारी यादवको मृत्यु भएको हो ।
गम्भीर घाइते उनको कर्जन्हास्थित फूलकुमारी महतो मेमोरियल अस्पतालमा उपचारका क्रममा मृत्यु भएको प्रहरीले जनाएको छ ।
प्रहरीका अनुसार पूर्वबाट पश्चिमतर्फ गइरहेको म.प्र.०१-००१ ज. ०१२४ नम्बरको विद्युतीय गाडीलाई विपरीत दिशाबाट आइरहेको म.प्र.०३-००२ ख. ३९९६ नम्बरको टिपरले ठक्कर दिएको हो ।
गम्भीर अवस्थामाका एक जनालाई काठमाडौं र एक जनालाई थप उपचारका लागि विराटनगर पठाइएको प्रहरीले जनाएको छ । अन्य तीन जनाको फूलकुमारी महतो मेमोरियल अस्पतालमै उपचार भइरहेको छ । टिपर चालकलाई प्रहरीले नियन्त्रणमा लिएको छ ।
