रोटरी क्लब विराटनगर मिडटाउनद्वारा सुत्केरीलाई फलफूलसहित विभिन्न सामग्री वितरण

विराटनगर । रोटरी क्लब अफ विराटनगर मिडटाउनले कोशी अस्पतालका बिरामीहरूलाई फलफूलसहित विभिन्न सामग्री वितरण गरेको छ । अस्पतालको प्रसुती वार्डमा सुत्केरी गराउन आएका र सुत्केरी भएकाहरूलाई आज फलफूल, मच्छडदानी, सेनटरी प्याड, वेवी डाइपर लगायत वितरण गरिएको हो ।

सुत्केरी र नवजात शिशुको स्वास्थ्यलाई ध्यान दिँदै विभिन्न सामग्री वितरण गरिएको रोटरी क्लब अफ विराटनगर मिडटाउनका प्रतिनिधि एवं समाजसेवी प्रदिप अग्रवालले जानकारी दिए ।

Advertisement

सो अवसरमा रोटरी क्लबका पदाधिकारीहरू सुशीलप्रसाद रिजाल, रामअवतार अग्रवाल, राजु गोयल, प्रनिश अग्रवाल, संजय बंशल, प्रदिप अग्रवाल, मनोज मण्डल लगायतले सामग्री वितरण गरेका छन् ।