काठमाडौं, १० कात्तिक । काठमाडौंको बसुन्धरामा बुधबार बसको ठक्करबाट गम्भीर घाइते भएका एक जना व्यक्तिको उपचारका क्रममा मृत्यु भएको छ ।मृत्यु हुनेमा सिन्धुलीका ३० वर्षीय टेकबहादुर माझी छन् ।
Advertisement
स्वयम्भू यातायातको बा ३ ख ९६९० नम्बरको बसले ठक्कर दिँदा गम्भीर घाइते भएका उनको शिक्षण अस्पताल महाराजगञ्जमा उपचारको क्रममा मृत्यु भएको महानगरीय प्रहरी कार्यालयले जनाएको छ ।
बसको ठक्करबाट घाइते भएका अन्य २ जनाको ग्रिनसिटी अस्पतालमा उपचार भइरहेको छ । बस र चालक प्रहरीको नियन्त्रणमा छन् ।-अनलाइनखबर
