शुभलक्ष्मी बनिन् ‘मिस कोशी’

विराटनगर । आठौँ संस्करणको ‘मिस कोशी–२०२४’ प्रतियोगिताको उपाधि सुनसरीको इटहरीकी शुभलक्ष्मी राइले जितेकी छन् ।

जय मिडिया म्यानेजमेन्ट प्रालिकोे आयोजना सुनसरीको धरानमा सम्पन्न प्रतियोगिताको फाइनलमा २४ जना प्रतिस्पर्धीलाई पछि पार्दै राईले उपाधि जितेकी हुन् । उपाधिसँगै उनले १ लाख रुपैयाँ र विभिन्न उपहार प्राप्त गरिन् ।

धरानकी निशा हङ्मा लिम्बु फर्स्ट रनरअप भइन् भने सेकेण्ड रनरअप झापाकी निगम मोक्तान घोषित भइन् । थर्ड रनरअप जुम्लाकी कृति बस्नेत र चौथो रनरअप इटहरीकी स्वस्तिका राई बनिन् । प्रतियोगिताको फाइनलमा २५ जना प्रतियोगीले प्रतिस्पर्धा गरेका थिए ।