विराटनगर । काठमाडौंबाट रामेछापका लागि उडेको सीता एयरको जहाज आज बिहान काठमाडौंमै आकस्मिक अवतरण गराइएको छ ।
बिहान साढे ९ बजे काठमाडौंबाट रामेछापका लागि उडेको सीता एयरको ९०६ उडान नम्बरको जहाज २० मिनेटमै काठमाडौं फिर्ता गरिएको त्रिभुवन विमानस्थल प्रशासनले जनाएको छ ।
Advertisement
जहाज विमानस्थलमा सुरक्षित अवतरण गरेको उल्लेख गर्दै विमानस्थल प्रशासनले चालक दल र यात्रु सकुशल रहेको जनाएको छ । जहाजमा ११ जना यात्रु थिए।
विमानको ‘हाइड्रोलिक’ मा समस्या आएपछि काठमाडौं फर्काएर आकस्मिक अवतरण गराइएको जनाइएको छ ।
