विराटनगर । झापाको शिवसताक्षीमा बुधबार बिहान भएको दुर्घटनामा तीनजनाको मृत्यु भएको छ । बोलेरो गाडीसँग ठोक्किँदा एउटै मोटरसाइकलमा सवार तीनजनाको मृत्यु भएको प्रहरीले जनाएको छ ।
जिल्ला प्रहरी कार्यालय झापाका अनुसार पूर्वपश्चिम राजमार्गअर्न्तगत शिवसताक्षी नगरपालिका वडा नम्बर ८ मा पर्ने सडकमा दुर्घटना भएको हो । पश्चिमबाट जाँदै गरेको मे ३ प ५००१ नम्बरको मोटरसाइकल र विपरीत दिशाबाट आइरहेको प्र १–०१–००१ च ९३२९ नम्बरको गाडी आपसमा जुधेका थिए ।
Advertisement
दुर्घटनामा गम्भीर घाइते उनीहरूलाई उपचारका लागि बिर्तामोडको विएण्डसी अस्पताल लगिएको थियो। चिकित्सकले उनीहरूलाई मृत घोषणा गरेका थिए । मृतकहरूको सनाखत भइसकेको छैन । प्रहरीका अनुसार आफन्तहरू आएपछि उनीहरूको सनाखत हुनेछ ।
