विराटनगर । भोजपुर नगरपालिका–८ पोखरेका भारत कार्कीको घरमा आगलागी भएको छ । विद्युत सर्ट भएर आज बिहान कार्कीको घरमा आगो लागेको हो ।
Advertisement
आगलागीबाट घर जलेर नष्ट भएको छ । घरभित्र रहेका सामान, लत्ताकपडा लगायत पनि जलेर नष्ट भएका छन् । घरसँगै रहेको कुखुरा फर्ममा पनि आगोले क्षति पुर्याएको छ । फर्ममा रहेका करिब १५० कुखुरा जलेका छन् ।
बिहान ८ बजेबाट लागेको आगो करिब दुई घण्टापछि नियन्त्रणमा आएको स्थानीय सञ्चारकर्मी मोहन दुरालले जानकारी दिए । उनका अनुसार नेपाली सेना, नेपाल प्रहरी र स्थानीयवासीले आगो नियन्त्रणमा लिएका हुन् ।
आगलागीबाट भएको क्षतिको यकिन विवरण आउँन बाँकी छ ।
