विराटनगर । सशस्त्र प्रहरी बलका डीएसपी उपेन्द्र बस्याल मृत फेला परेका छन् । मोरङको धनपालथान गाउँपालिका ३ सोराभागस्थित गुल्मका प्रमुखसमेत रहेका डीएसपी बस्याल आज दिउँसो करिब ३ः३० बजे क्वाटरमै मृत भेटिएका हुन् ।
Advertisement
कार्यालय परिसरमै रहेको क्वार्टरमा झुन्डिएको अवस्थामा डीएसपी बस्याल मृत फेला परेको मोरङका प्रहरी प्रवक्ता डीएसपी रन्जनकुमार दाहालले जानकारी दिए ।
‘दिउँसो कोठामै झुण्डिएको अवस्थामा शव फेला परेको छ,’ डीएसपी दाहालले संगालोखबरसँग भने, ‘मृत्युको कारण खुलेको छैन, हामी थप बुझ्दैछौ ।’
