विराटनगर । नेपाली कांग्रेसका युवा नेता तथा पूर्व प्रदेश सांसद सूयर्माराज राई सम्मानित भएका छन् । मोरङको विराटचोकमा नझरेका फूलहरू पलेँटी साँझद्वारा लुकेको प्रतिभाको रुपमा पूर्व सांसद राईलाई सम्मान गरिएको हो ।
Advertisement
ब्रिटिस गोर्खा धरानको पेइङ अफिसका कार्यकारी अधिकृत लक्ष्मी मादेन, भानु साझा पुस्तकालयका अध्यक्ष पुरन राई, युवा समाजसेवी दुष्यन्त भट्टराई र नझरेका फूलहरू पलेँटी साँझका परिकल्पना, व्यवस्थापन र प्रस्तोतासमेत रहेका केपी घिमिरेले राईलाई सम्मानित गरे ।
मोरङ कानेपोखरी ५ स्थायी ठेगाना भएका राई गीतकार र कवि पनि हुन् । नेपाली कला, साहित्य सङ्गीतका क्षेत्रमा चर्चित गीत, कविता र अनेकन विधामा साहित्यिक रचनाहरूका माध्यमबाट राईले अतुलनीय योगदान पुर्याएकाले सम्मान गरिएको आयोजकले जनाएको छ ।
विद्यालय अध्ययनकै बेलादेखि कविता लेख्न थालेका राईको ‘रीति’ गीति एल्बम प्रकाशित छ ।
