एसईईको नतिजा आज सार्वजनिक गर्ने तयारी

काठमाडौं । माध्यमिक शिक्षा परीक्षा (एसईई) को नतिजा आज सार्वजनिक हुने भएको छ । राष्ट्रिय परीक्षा बोर्डले यस वर्षको एसईईको नतिजा सार्वजनिक गर्ने तयारी गरेको हो ।

नतिजा प्रकाशनको तयारी अन्तिम चरणमा पुगेकाले साँझसम्म नतिजा सार्वजनिक गरिने बोर्डले जनाएको छ । बोर्डका अनुसार उत्तरपुस्तिका परीक्षणको काम सकिएको छ । अहिले नम्बर कम्प्युटरमा चढाउने, सम्परीक्षण गर्ने, रुजु गर्ने लगायत प्राविधिक काम भइरहेको छ । गत चैत १७ देखि २९ गतेसम्म देशभर सञ्चालन भएको एसईई परीक्षामा ४ लाख ८५ हजार ३ सय ९६ विद्यार्थी सहभागि भएका थिए ।

वेबसाइट, एसएमएस र आइभिआरबाट नतिजा हेर्न सकिनेछ । एसएमएसका लागि १६००, ३१००३, ३४९४९, ३५००१ र ३१०६४ मा डायल गर्नुपर्नेछ । त्यस्तै, परीक्षा नियन्त्रण कार्यालय सानोठिमी भक्तपुरको वेबसाइट www.see.gov.np मा हेर्न सकिनेछ ।

राष्ट्रिय परीक्षा बोर्ड सानोठिमीको वेबसाइट www.neb.gov.np र नेपाल टेलिकमको वेबसाइट www.see.ntc.net.np बाट पनि नतिजा हेर्न सकिनेछ ।