विराटनगर । मोरङको बुढीगंगा गाउँपालिका–५ स्थित राठी म्यानुफ्याक्चरिङ उद्योगमा भीषण आगलागी भएको छ । गएराती करिब २ बजेबाट सुरु भएको आगो अझै नियन्त्रण भएको छैन ।
Advertisement
मोरङ र सुनसरीका १२ वटा दमकल परिचालन गरेर आगो नियन्त्रणको प्रयास भइरहेको मोरङका प्रहरी प्रवक्ता डीएसपी रन्जनकुमार दाहालले संगालोखबरलाई जानकारी दिए । विराटनगर, उर्लाबारी, रामधुनी, रंगेली, पथरी, बेलवारी, सुन्दरहरैँचा, इटहरी, आयल निगम, विराटनगर विमानस्थल लगायतका दमकलले आगो निभाउने प्रयास गरिरहेका छन् ।
उद्योगी राजेन्द्रकुमार राठीले सञ्चालन गरेको यो उद्योगले बिजुलीका बल्ब र स्विच उत्पादन गर्दै आएको थियो । विद्युत सर्ट भएर आगो लागेको अनुमान गरिएपनि आगलागीको यकिन कारण खुलेको छैन ।
