उदयपुर । बालिकालाई बलात्कार गरेको आरोपमा उदयपुरको बेलका नगरपालिका–१ आमवासीका अतिमान बिक पक्राउ परेका छन् । पीडित पक्षले उजुरी दिएपछि प्रहरीले विकलाई सोमबार पक्राउ गरेको हो ।
घटना गत फागुन १८ गतेको हो । विकले श्रीमती बिरामी भएकाले खाना पकाउन सघाउन बोलाएर १४ वर्षीया बालिकामाथि बलात्कार गरेको आरोप छ । ती बालिकाले दुई महिनापछि गत आइतबार परिवारका सदस्यलाई घटना सुनाएपछि पीडित पक्षले इलाका प्रहरी कार्यालय रामपुर ठोक्सिलामा उजुरी दिएको हो ।
Advertisement
उजुरी आएपछि विकलाई पक्राउ गरेर घटनाको विषयमा थप अनुसन्धान प्रकृया अघि बढाइएको उदयपुरका प्रहरी निरीक्षक मोहन थापाले जानकारी दिए ।
