धनकुटा । जिल्ला प्रहरी कार्यालय धनकुटाले बुधबार १ सय ६ किलो गाँजा जलाएर नष्ट गरेको छ । जनप्रतिनिधि, स्थानीय र पत्रकारको रोहबरमा जिल्ला प्रहरी कार्यालय परिसरमै गाँजा जलाएर नष्ट गरिएको हो ।
Advertisement
साँगुरीगढी गाउँपालिका–८, स्थित भेडेटार आहाले सडक खण्डमा को १ ज १८११ नम्बरको पिकअपमा सो गाँजा बरामद भएको थियो । फरार रहेका पिकअप चालक साँगुरीगढी–८ का २८ वर्षीय पविन कार्कीलाई पनि प्रहरीले पक्राउ गरेर कारबाही प्रकृया अघि बढाएको छ ।
सहिदभूमि गाउँपालिकाबाट बरामद भएको चार सय किलो गाँजा पनि प्रहरीले यसअघि जलाएर नष्ट गरेको थियो ।
