ताप्लेजुङ । ताप्लेजुङको आठराई त्रिवेणी गाउँपालिका–३ हाङपाङमा शिकार खेल्ने क्रममा एक जनाको मृत्यु भएको छ । कालीदह जङ्गलमा शिकार खेल्ने क्रममा आफ्नै साथीले चलाएको भरुवा बन्दुकको छर्रा लागेर स्थानीय ललित गुरुङको मृत्यु भएको हो ।
सोमबार राति करिब १० बजे ५८ वर्षीय ललित र ५२ वर्षीय वीरबहादुर गुरुङ शिकार खेल्न कालीदह जङ्गल गएका थिए । सोही क्रममा वीरबहादुरले चलाएको भरुवा बन्दुकको छर्राले लागेर ललितको मृत्यु भएको जिल्ला प्रहरी कार्यालय ताप्लेजुङले जनाएको छ ।
Advertisement
घटनापछि वीरबहादुरलाई इलाका प्रहरी कार्यालय दोभानले नियन्त्रणमा लिएको छ । घटनामा प्रयोग भएको भरुवा बन्दुक पनि प्रहरीले बरामद गरेको छ ।
