सुनसरी । धरान उप–महानगरपालिका–४ बाट भारतीय गाडीमा ठुलो परिमाणमा गाँजा भेटिएको छ । जीजे ०१ एचक्यू २४६१ नम्बरको भारतीय स्कारपियो गाडीमा तीन सय किलो गाँजा भेटिएको हो ।
गाँजाको ओसारपसार भइरहेको सूचनाका आधारमा इलाका प्रहरी कार्यालय धरानबाट खटिएको प्रहरी टोलीले भारतीय स्कारपियो गाडी खानतलासी गर्दा गाँजा भेटिएको हो । सडकको छेउमा रोकिराखेको गाँडीमा गाँजा भेटिएको प्रहरीले जनाएको छ ।
Advertisement
गाडी चालक भने फेला परेका छैनन् । गाँजासहित गाडी नियन्त्रणमा लिइएको र चालकको खोजी भइरहेको इलाका प्रहरी कार्यालय धरानले जनाएको छ ।
