रौतहट । रौतहटका चन्द्रनिगाहपुरमा छोराले दाउराको चिरपटले हानेर बाबुको हत्या गरेका छन् । चन्द्रपुर नगरपालिका–६ का ५५ वर्षीय बुवा निरकुमार राईलाई उनका ३२ वर्षीय छोरा प्रकाशले चिरपटले हानेर हत्या गरेका हुन् ।
गएराति घरायसी विवादका क्रममा निरकुमारलाई छोराले चिरपटले हानेका थिए । चिरपटले लागेर टाउको र निधारमा गम्भीर चोट लागेका निरकुमारलाई उपचारका लागि अस्पताल लगिए पनि उनको मृत्यु भएको प्रहरीले जनाएको छ ।
Advertisement
प्रहरीले हत्या आरोपमा प्रकाशलाई पक्राउ गरेको छ । घटनाको विषयमा थप अनुसन्धान भइरहेको प्रहरीले जनाएको छ ।
