प्रदेश १ कांग्रेस संसदीय दलको नेतामा थापा निर्वाचित

विराटनगर । नेपाली कांग्रेस प्रदेश १ संसदीय दलको नेतामा कांग्रेस प्रदेश १ सभापति उद्धव थापा निर्वाचित भएका छन् । शुक्रबार बिहान भएको निर्वाचनमा १८ मतसहित थापा निर्वाचित भएका हुन् ।

दलको नेताका उम्मेदवार केदार कार्कीले ९ मत प्राप्त गरे भने अर्का उम्मेदवार अृमत अर्यालले २ मत मात्रै प्राप्त गरे । दलको नेतामा विजयी थापा कृष्णप्रसाद सिटौला प्यानलका हुन् ।

कार्की शेखर कोइराला टिमबाट उम्मेदवार बनेका थिए भने अर्याल सभापति शेरबहादुर देउवा प्यानलबाट उम्मेदवार बनेका थिए । तर देउवा र सिटौला मिलेका कारण थापा विजयी भएका हुन् । ९३ सदस्यीय प्रदेश सभाको दोस्रो ठूलो दल कांग्रेससँग जम्मा २९ सांसद छन् ।