धनकुटा क्षेत्र नं.१ मा ६ हजार ७ सय मतान्तरसहित एमालेका निरन राई निर्वाचित

धनकुटा । प्रदेश सभा धनकुटा क्षेत्र नं.१ बाट नेकपा एमालेका उम्मेद्वार निरन राई निर्वाचित भएका छन् । एमाले धनकुटाका सचिवसमेत रहेका राई ६ हजार ७ सय ९२ मतान्तरसहित प्रदेश सभा सदस्यमा निर्वाचित भएका हुन् ।

राईले १७ हजार १८ मत प्राप्त गरेका छन् । उनका निकटतम प्रतिद्वन्द्वी गठबन्धनका तर्फबाट नेकपा एकीकृत समाजवादीका जिल्ला अध्यक्ष अर्जुन राईले १० हजार २ सय २६ मत पाएका छन् । जनता समाजवादीका रकम चेम्जोङले ८ हजार २ सय ४७ मत ल्याएका छन् । सुरुवातदेखिनै अग्रता लिएका एमाले उम्मेद्वार राईले मतान्तर फराकिलो बनाउँदै जित हासिल गरेका हुन् ।

उनी सो क्षेत्रबाट दोस्रो पटक प्रदेश सभा सदस्यमा निर्वाचित भएका हुन् । २०७४ सालको प्रदेश सभा निर्वाचनमा कांग्रेसका मनोहर नारायण श्रेष्ठलाई ६ हजार ६ सय ४६ मतान्तरले पराजित गर्दै २० हजार ८८ मतसहित राई प्रदेश सभा सदस्यमा निर्वाचित भएका थिए ।