काठमाडौं । फेसबुकमा फेक आइडी बनाएर महिलाको चरित्रहत्या गर्ने एक जनालाई प्रहरीको साइबर ब्यूरो काठमाडौंले पक्राउ गरेको छ । पक्राउ पर्नेमा सप्तरीको सुरुङ्गा नगरपालिका–१ का १९ वर्षीय सुमीतकुमार थापा छन् ।
Advertisement
उनले नक्कली फेसबुक आइडी बनाई पीडित र अन्य अपरिचित महिलाको अश्लील तस्बिर र शब्द लेखेर पोष्ट गरेको पाइएको प्रहरीले जनाएको छ । फेक आइडीको म्यासेन्जरबाट थापाले पीडितको आफन्तहरुले प्रयोग गर्ने फेसबुकमा म्यासेज पठाएर बदनाम गरी चरित्र हत्या गरेका हुन् ।
उनलाई विद्युतीय कारोबार ऐन, २०६३ अनुसार कारबाही प्रक्रिया अघि बढाइएको छ ।
