सुनसरी । सुनसरीको इटहरी उपमहानगरपालिका–१० स्थित पुरानो ट्रान्सपोर्ट नजिक कोशी लोकमार्गमा मोटरसाइकल दुर्घटना हुँदा तीन जनाको मृत्यु भएको छ । शुक्रबार साँझ साढे ५ बजे उत्तरबाट दक्षिणतर्फ आउँदै गरेको प्र १ ०२०४१ प ४४११ नम्बरको मोटरसाइकल र सोही दिशातर्फ जाँदै गरेका को ४ प १४१० नम्बरको मोटरसाइकल आपसमा ठोक्किँदा दुर्घटना भएको हो ।
दुर्घटनामा १४१० नम्बरको मोटरसाइकल चालक धरान–१५ का ४० वर्षीय राजन राई र पछाडि सवार ३२ वर्षीय रामु राई र ४४११ नम्बरको मोटरसाइकलका चालक मोरङको टंकीका ४६ वर्षीय ओझराज लुइँटेलको मृत्यु भएको प्रहरीले जनाएको छ ।
Advertisement
मोटरसाइकल आपसमा ठोक्किँदा तीनै जना गम्भीर घाइते भएका थिए । उनीहरुलाई उपचारका लागि विराटनगरस्थित आर्या न्युरो अस्पताल लगिएको थियो । साँझ साढे ६ बजे तीनै जनालाई डाक्टरले मृत घोषित गरेका हुन् ।
