धरान । धरान उपमहानगरपालिका–८ दुर्गापथस्थित गैरीगाउँको खहरे खोलामा आज एक युवाको शव फेला परेको छ । गैरीगाउँका करिव २५ वर्षीय रुपेश खातुन खहरेमा मृत फेला परेका हुन् ।
Advertisement
बिहान करिव ७ बजे स्थानीयले खातुनलाई पानीमा घोप्टो अवस्थामा डुबिरहेको देखेका थिए । टाउकोमा चोट लागेको र पानीमा घोप्टो परेर डुबिरहेको अवस्थामा उनको शव फेला परेको इलाका प्रहरी कार्यालय धरानले जनाएको छ ।
उनी सानिआमासँगै बस्दै आएका थिए । मृतकको कोठामा खानतलासी गर्दा विभिन्न प्रकारका लागुऔषध र लागुऔषध प्रयोग गरिसकेपछिका खोल र सुई फेला परेको प्रहरीले जनाएको छ ।
