धनकुटा । धनकुटाको उत्तरपानीमा आज बिहान बाबुले आफ्नै छोराको हत्या गरेका छन् । धनकुटाको पाख्रीवास नगरपालिका–९ उत्तरपानीका ५४ बर्षीय उपेन्द्र ठाडा मगरले छोरा ३० बर्षीय सन्तोषको हत्या गरेका हुन् ।
सामान्य घरायसी विवादका क्रममा बिहान करिब ८ः३० बजे उपेन्द्रले छोरा सन्तोषमाथि खुकुरी प्रहार गरेका थिए । खुकुरीले घाँटीमा लागेर सन्तोषको घटनास्थलमै मृत्यु भएको जिल्ला प्रहरी कार्यालय धनकुटाका प्रहरी प्रमुख एसपी लक्ष्मीराज अधिकारीले बताए ।
Advertisement
‘आवेगमा आएर छोरामाथि खुकुरी प्रहार गरेको देखिन्छ,’ घटनास्थल पुगेका एसपी अधिकारीले संगालोखबरसँग भने, ‘हामी अहिले घटनास्थलमै छौं, घटनाको यकिन कारण के हो पत्ता लाग्न बाँकी छ ।’
छोराको हत्या गर्ने उपेन्द्रलाई घटनापछि प्रहरीले नियन्त्रणमा लिएको छ । घटनास्थलबाट प्रहरीले हत्यामा प्रयोग भएको खुकुरी बरामद गरेको छ ।
