![](https://sangalokhabar.com/wp-content/uploads/2019/06/gold-sun.jpg)
सुनसरी । सुनसरीको इटहरीमा सुनका गहना चारेको आरोपमा प्रहरीले तीन जनालाई पक्राउ गरेको छ । पक्राउ पर्नेमा झापाको दमकका अरुण राना मगर, बृखमान राई र भुपेन्द्र बिक छन् ।
उनीहरुले जेठ २ गते इटहरी–८ की प्रविशा कार्कीको घरबाट सुनको गहना चोरेको आरोप छ । अरुणले गहना चोरेर वृखमानलाई बिक्री गरेको अनुसन्धानबाट खुलेको प्रहरीले जनाएको छ ।
बृखमानले सो गहना भुपेन्द्र बिकलाई बेचेको स्वीकार गरेका छन् । उनीहरुमाथि चोरी मुद्दामा म्याद थप गरी इलाका प्रहरी कार्यालय इटहरीले अनुसन्धान गरिरहेको छ ।