पहिरोका कारण मेची राजमार्ग अवरुद्ध

ताप्लेजुङ । ताप्लेजुङको पाथीभरा याङवराक गाँउपालिका–१ स्थित सेसम्बुमा पहिरो खस्दा गएरातिदेखि मेची राजमार्ग अवरुद्ध भएको छ । गएराती करिब पौने १२ बजे पहिरो खसेर राजमार्ग अवरुद्ध भएको हो ।

राजमार्ग अवरुद्ध हुँदा झापा, मोरङ, सुनसरी र काठमाडौंतर्फ जाने र त्यहाँबाट आउँने सवारी साधन आवतजावत हुन सकेका छैनन् ।

Advertisement

अहिले पहिरो पन्छाएर सडक खुलाउने प्रयास भइरहेको छ । सडक खुलाउँनका लागि जेसीवीको सहयोगमा पहिरो पन्छाउने काम भइरहेको प्रहरीले जनाएको छ ।