विराटनगर । आपराधिक गतिविधि नियन्त्रणका लागि पूर्वी नेपालको सीमा क्षेत्रमा लामो दुरीको पैदल गस्ती परिचालन गरिएको छ । झापा, मोरङ र सुनसरीको भारतीय सीमा क्षेत्रमा गस्ती खटाइएको हो ।
Advertisement
सीमावर्ती क्षेत्रहरूको अनुगमन कार्ययोजना २०७९ अनुसार गस्ती परिचालन गरिएको १ नम्बर प्रदेश प्रहरी कार्यालय बिराटनगरले जनाएको छ । प्रहरी नायब निरीक्षकको कमान्डमा १०/१० जना प्रहरीको टोली तीन वटै जिल्लाको सीमा क्षेत्रमा खटिएका छन् ।
चोरी, तस्करी र अपराधजन्य गतिविधिहरूको रोकथाम तथा नियन्त्रणका लागि गस्ती प्रभावकारी हुने प्रहरीको अनुमान छ ।
