धनकुटा । नबौं राष्ट्रिय खेलकुद प्रतियोगिताका लागि धनकुटाबाट छनौट भएका खेलाडीहरूलाई विदाई गरिएको छ । जिल्ला खेलकुद विकास समितिले सोमबार खेलाडीहरूलाई विदाई गरेको हो ।
Advertisement
स्थानीय तल्लो टुँडिखेलमा भदौ ७ गतेबाट छनौट प्रतियोगिताहरू गरेर खेलाडी छान्न थालिएको थियो । फुटबल, भलिबल, एथ्लेटिक्स, ब्याडमिन्टन, टेबलटेनिस, कराते, उसु, तेक्वान्दो, बक्सिङ, कबडी, हाइटेक तेक्वान्दो, बुद्धिचाल, आई टी एफ, पौडी लगायत १५ खेलका खेलाडीहरू छनौट गरिएको छ ।
आगामी असोज २८ देखि कात्तिक २ गतेसम्म पोखरामा नबौं राष्ट्रिय खेलकुद प्रतियोगिता हुदैछ । जसका लागि धनकुटाबाट विभिन्न खेलमा पुरुष १२८ र महिला ८९ गरी २ सय १७ जना खेलाडी छनौट गरिएको जिल्ला खेलकुद विकास समितिका अध्यक्ष मनोज चाम्लिङ राईले जानकारी दिए ।
जिल्लाबाट छनौट भएका खेलाडीहरू प्रदेश स्तरीय प्रतियोगितामा भाग लिन जानेछन्, त्यसैका लागि जिल्लाबाट बिदाई गरिएको हो ।
