धनकुटा । प्रदेश स्तरीय बुद्धिचाल प्रतियोगिताका लागि धनकुटाबाट खेलाडी छनौट गरिएको छ । सोमबार जिल्ला बुद्धिचाल संघको आयोजनामा छनौट प्रतियोगिता गरेर दुई जना खेलाडी छनौट गरिएको हो ।
Advertisement
पत्रकार महासङ्घको सभाहलमा भएको जिल्ला स्तरीय छनौट प्रतियोगिताबाट पूर्णबहादुर डंगोल र किरण लिम्बू (नरबहादुर) छनोट भएका हुन् । प्रतियोगितामा १२ जना खेलाडी सहभागि थिए । उनीहरूलाई पछि पार्दै डंगोल र लिम्बू छनौट भएका हुन् ।
प्रदेश स्तरीय बुद्धिचाल प्रतियोगिता आगामी भदौ १६ गतेदेखि हुने जिल्ला बुद्धिचाल संघका अध्यक्ष राजेश्वर बहादुर श्रेष्ठले जानकारी दिए ।
