धनकुटा । अखिल नेपाल राष्ट्रिय स्वतन्त्र विद्यार्थी युनियन महालक्ष्मी नगर कमिटीको अध्यक्षमा पुनः विनोद बानियाँ निर्वाचित भएका छन् । अनेरास्ववियुको नगर भेलाले बानियाँको अध्यक्षतामा ३३ सदस्यीय नगर कमिटी गठन गरेको हो ।
Advertisement
कमिटीको उपाध्यक्षमा भावना थापा र राज धमला, सचिवमा गोकुल कार्की, सह–सचिवमा विवेक भण्डारी, प्रज्ञा भट्टराई र स्मारिका काफ्ले तथा कोषाध्यक्षमा सुस्मा गिरी निर्वाचित भएका छन् ।
कार्यक्रममा अनेरास्ववियु जिल्ला कमिटी सह–सचिव भुवन श्रेष्ठले निर्वाचित पदाधिकारी तथा सदस्यहरूलाई बधाई तथा सफल कार्यकालको शुभकामना दिएका छन् ।
