विराटनगर । मोरङको जहदा गाउँपालिका–३ ठुलो हातिबन्दाबाट प्रहरीले ठुलो परिमाणमा गाँजा बरामद गरेको छ । स्थानीय भुसाराम राजबंशीको घर पछाडि रहेको कटेरोबाट ३८ किलो गाँजा बरामद भएको प्रहरीले जनाएको छ ।
Advertisement
बिशेष सूचनाको आधारमा शनिवार बेलुका साढे ६ बजे इलाका प्रहरी कार्यालय रानीबाट खटिएको प्रहरी टोलीले गाँजा फेला पारेको हो । प्लाष्टिकमा प्याक गरेर बोरामा हाली लुकाएर राखेको अवस्थामा गाँजा भेटिएको प्रहरीले जनाएको छ ।
राजवंशीको घरबाट गाँजा बरामद भएपनि राजवंशी भने सम्पर्कमा छैनन् । उनको खोजी भइरहेको इलाका प्रहरी कार्यालय रानीले जनाएको छ ।
