सुनसरी । सुनसरीको रामधुनी–२ तित्रीबन चोकस्थित पूर्ब पश्चिम लोकमार्गमा पिकअपको ठक्करबाट अटो चालकको मृत्यु भएको छ । मृत्यु हुनेमा अटो चालक मोरङको सुन्दरहरैंचा–३ का ३२ बर्षीय डम्बर कुमार दर्जी छन् ।
आइतवार अपरान्ह करिब ४ बजे पुर्बबाट पश्चिमतर्फ जादै गरेको प्र न १– ०१–००१ च ७६५० नम्बरको पिकअपले बिपरीत दिसाबाट आउदै गरेको को २ ह ७२९९ नम्बरको अटोलाई ठक्कर दिएको थियो ।
Advertisement
ठक्करबाट गम्भीर घाइते भएका अटो चालक दर्जीको इटहरीस्थित एपेक्स अस्पतालमा उपचारका क्रममा साँझ करिब ५ बजे मृत्यु भएको प्रहरीले जनाएको छ ।
घटनापछि पिकअप र चालकलाई ईलाका प्रहरी कार्यालय पकलीको नियन्त्रणमा लिएको छ ।
