सुनसरी । भन्सार छलेर ल्याइएको ३० लाख रुपैयाँ बराबरको कपडा सुनसरीको देवानगन्ज गाउँपालिकामा बरामद गरिएको छ । को १ ख २१२९ नम्बरको मिनी ट्रकमा ल्याउँदै गरेको अवस्थामा कपडा बरामद गरिएको हो ।
Advertisement
१ नं. प्रदेश प्रहरी कार्यालय, प्रादेशिक अनुसन्धान समूह (आरआइटी) बाट खटिएको प्रहरी टोलीले गाडीसहित भन्सार छलेर ल्याउँदै गरेको कपडा नियन्त्रणमा लिएको हो । प्रहरीलाई देख्ने बितिक्कै मिनी ट्रकका चालक फरार भएका छन् । उनको खोजी भइरहेको प्रहरीले जनाएको छ ।
बरामद भएको कपडा सुनसरी भन्सार कार्यालय कोशीब्यारेजमा पठाइएको छ ।
