विराटनगर । विराटनगर महानगरपालिका–११ स्थित रोडशेषमा भारतीय मालवाहक ट्रकको ठक्करबाट साइकलयात्रीको मृत्यु भएको छ । मृत्यु हुँनेमा सुनसरीको बर्जु गाँउपालिका–२ अमडुवा फारमका ४५ बर्षीय सनेन्दर राय छन् ।
Advertisement
शुक्रवार साँझ जोगबनीतर्फ जाँदै गरेको डब्लु २३ बी ४९६१ नंम्बरको भारतीय ट्रकले ठक्कर दिँदा घटनास्थलमै साइकलयात्रीको मृत्यु भएको हो । सडक पार गर्दै गरेको अवस्थामा उनलाई ट्रकले ठक्कर दिएको हो ।
दुर्घटनापश्चात रोडशेष क्षेत्रको अवस्था तनावग्रस्त बनेको थियो । दुर्घटनास्थलमा बाक्लो संख्यामा सुरक्षाकर्मीसमेत परिचालन गरिएको थियो ।
