बागलुङ । बागलुङको गलकोट नगरपालिका–११ रिघाफेदीमा गुडिरहेको बसको ढोकाबाट खसेर आज एक जनाको मृत्यु भएको छ । मृत्यु हुँनेमा रुकुम पश्चिमको आठबीसकोट नगरपालिका–८ का २२ वर्षीय चन्द्रबहादुर बस्नेत छन् ।
बिहान करिव पौने ६ बजे काठमाडौंदेखि रुकुम जाँदै गरेको बा ३ ख ९१८० नम्बरको बसबाट बस्नेत सडकमा खसेका थिए । बसबाट खसेर गंभीर घाइते भएका बस्नेतलाई उपचारका लागि गलकोटको हटियास्थित स्थानीय क्लिनिक लगिएको थियो । उपचारकै क्रममा उनको मृत्यु भएको प्रहरीले जनाएको छ ।
Advertisement
बसका चालक लालबहादुर बाँनियालाई प्रहरीले नियन्त्रणमा लिएको छ ।
