सुनसरी । सुनसरीको बराहक्षेत्र नगरपालिका–४ का एक युवाले बन्चरोले हानेर आफ्नै भाइको हत्या गरेका छन् । स्थानीय ३० बर्षीय देबराज धामीले १८ बर्षीय भाई देव कुमारमाथि बन्चरो प्रहार गरेका हुन् ।
घरायसी सामान्य विवादका क्रममा आज बिहान करिब ६ बजे देवराजले भाइमाथि बन्चरो प्रहार गरेका हुन् । टाउकोमा बन्चरोले लागेर गम्भीर घाइते भएका देवकुमारलाई उपचारका लागि धरानस्थित बीपी कोइराला स्वास्थ्य विज्ञान प्रतिष्ठान पठाइएको थियो ।
Advertisement
प्रतिष्ठानमा उपचारका क्रममा उनको मृत्यु भएको प्रहरीले जनाएको छ । घटनापछि देबराजलाई इलाका प्रहरी कार्यालय महेन्द्रनगरले नियन्त्रणमा लिएको छ ।
प्रहरीका अनुसार चुरोटको बिषयमा उनीहरुबीच विवाद भएको प्रारम्भिक अनुसन्धानबाट खुलेको छ । घटनाको बिषयमा थप अनुसन्धान भइरहेको प्रहरीले जनाएको छ ।
