धनकुटा । धनकुटामा शुक्रबार नक्कली नोट फेला परेको छ । धनकुटा नगरपालिका–७ परिचयमोडस्थित ग्लो एण्ड गो कस्मेटिक पसलमा १ हजार रुपैयाँको नक्कली नोट फेला परेको हो ।
पसलबाट सहकारीमा जम्मा गर्न लैजानलाई पैसा गन्ने क्रममा संकास्पद नोट भेटिएपछि पसल सञ्चालक युवक तिम्सिनाले प्रहरीलाई खबर गरेका थिए ।
Advertisement
छ ६५/८००९८७ नम्बरको नेपाली रुपैयाँ एक हजारको एक थान नक्कली नोट फेला परेको जिल्ला प्रहरी कार्यालयका प्रहरी प्रवक्ता डिएसपी चिरञ्जिवी दाहालले जानकारी दिए ।
उनका अनुसार नक्कली नोटमा वाटरमार्क नभएको, हात्तिको चित्र उल्टो भएको र कागज पातलो भएको पाइएको छ ।
