सोलुखुम्बु । सोलुखुम्बुको थुलुङ दुधकोशी गाउँपालिकामा आगो निभाउने क्रममा जलेर एक जनाको मृत्यु भएको छ । मृत्यु हुँनेमा स्थानीय ७० बर्षीय जयराम सार्की छन् ।
मंगलवार दिउँसो बाँस झ्याङमा सल्केको आगो निभाउने क्रममा उनको शरीरमा आगो सल्किएको थियो । उनी आगोले जलेर घाइते भएका थिए । घटनाको जानकारी पाएपछि बिमानस्थल सुरक्षा गार्ड कांगेलको प्रहरी टोली घटनास्थल गएको थियो ।
Advertisement
प्रहरीले सार्कीलाई उपचारका लागि धरानस्थित वीपी कोइराला स्वास्थ्य विज्ञान प्रतिष्ठान लैजादै गर्दा बाटैमा उनको मृत्यु भएको जिल्ला प्रहरी कार्यालय सोलुखुम्बुले जनाएको छ ।
