उदयपुर । उदयपुरमा श्रीमतीको हत्या गरेको आरोपमा प्रहरीले आज एक जनालाई पक्राउ गरेको छ । कटारी नगरपालिका–५ सिसाघारीकी ३८ बर्षीया नानुमाया दाहालको हत्या आरोपमा उनका श्रीमान ४२ बर्षीय पोष्टराज दाहाल पक्राउ परेका हुन् ।
बिहान करिव ४ बजे नानुमाया शौचालयमा रहेका बेला पोष्टराजले चिर्पटले उनको टाउकोमा हानेका थिए । चिर्पटले लागेर घटनास्थलमै उनको मृत्यु भएको जिल्ला प्रहरी कार्यालय उदयपुरले जनाएको छ ।
Advertisement
घटनाको जानकारी पाएपछि ईलाका प्रहरी कार्यालय कटारीबाट खटिएको टोलीले पोष्टराजलाई नियन्त्रणमा लिएको हो ।
