धनकुटा । धनकुटाको चौबिसे गाउँपालिका–२ स्थित नाम्फुवा खोल्सीमा शनिवार दिउँसो एक बृद्धको शव फेला परेको छ । काठमाडौं जान भनेर घरबाट हिडेका स्थानीय ६३ बर्षीय इन्द्रबहादुर लिम्बुको शव खोल्सीमा भेटिएको हो ।
उनी १० दिन अघि काठमाडौं जान भनेर घरबाट हिडेका थिए । दिउँसो साढे १ बजे उनको शव खोल्सीमा भेटिएको हो । स्थानीयबासीले शव देखेपछि प्रहरीलाई खबर गरेका थिए । घटनाको जानकारी पाएपछि इलाका प्रहरी कार्यालय राजारानीबाट प्रहरी टोली घटनास्थल गएको थियो ।
Advertisement
शवको प्रकृति हेर्दा मृत्यु शंकास्पद नदेखिएको र परिवारका सदस्यले पनि कुनै आशंका नगरेकाले बृद्धको शव परिवारलाई जिम्मा लगाइएको जिल्ला प्रहरी कार्यालयका प्रहरी निरीक्षक काशीनाथ रेग्मीले जानकारी दिए ।
