सुनसरी । सुनसरीको धरान उपमहानगरपालिका–१३ बाट प्रतिबन्धित लागुऔषध ब्राउन सुगरसहित चार जनालाई प्रहरीले पक्राउ गरेको छ । पक्राउ पर्नेमा धनकुटा घर भई हाल धरान–१३ मा डेरा गरी बस्ने ५० बर्षीय काले बहादुर तामाङ, २० बर्षीय अभिषेक खड्का, २१ बर्षीय मौषम नेपाली र ३९ बर्षीया मुना तामाङ छन् ।
विशेष सूचनाका आधारमा गएराती पौने १२ बजे ईलाका प्रहरी कार्यालय धरानबाट खटिएको टोलीले उनीहरुलाई पक्राउ गरेको हो । उनीहरुको साथबाट २ ग्राम ब्राउनसुगर बरामद भएको प्रहरीले जनाएको छ ।
Advertisement
पक्राउ परेका चारै जनाको विषयमा प्रहरीले थप अनुसन्धान गरिरहेको छ ।
