झापा । झापाको बिर्तामोडमा श्रीमानको कुटाईबाट घाइते भएकी श्रीमतीको गएराती मृत्यु भएको छ । विर्तामोड नगरपालिका–५ का ४० बर्षीय कमल राउतले कुटपिट गर्दा उनकी श्रीमती ३९ बर्षीय खेमजुङ गुरुङको मृत्यु भएको हो ।
प्रहरीका अनुसार राउतले घरायसी बिवादका क्रममा बुधवार राती श्रीमती खेमजुङमाथि कुटपिट गरेका थिए । कुटाईबाट घाईते भएकी खेमजुङलाई उपचारका लागि विर्तामोडस्थित कन्काई अस्पताल पुर्याइएको थियो ।
Advertisement
त्यहाँ उपचार हुँन नसकेपछि थप उपचारका लागि बिराटनरस्थित नोवेल शिक्षण अस्पताल लगियो । नोबेलमा पनि उपचार सम्भव नभएपछि उनलाई बिर्तामोडस्थित माईती घर ल्याइएको थियो ।
माइतीघरमै बिहिवार राती साढे १० बजे उनको मृत्यु भएको इलाका प्रहरी कार्यालय अनारमनीले जनाएको छ ।
