धनकुटा, २२ साउन । राष्ट्रिय जनमुक्ति पार्टी लिम्बुवान राज्य परिषद्ले आवहन गरेको धनकुटासहित अरुण पूर्वका नौ जिल्लाको बन्द खुलेको छ । बन्द खुलेर गाडी गुड्न थालेपछि जनजीवन सामान्य बन्दै गएको छ ।
बिहान ५ बजेदेखी सुरु भएको बन्द अपरान्ह ५ बजेबाट खुल्ला गरिएको राष्ट्रिय जनमुक्ति पार्टीका धनकुटा अध्यक्ष सविला मोक्तानले जानकारी दिए । बन्दले दिनभर जनजीवन प्रभावित भएको छ ।
Advertisement
बि.स. १८३१ साउन २२ गते पृथ्वीनारायण शाहले नेपाल एकीकरणको नाममा लिम्बुवान राज्य खोसेको भन्दै परिषद्ले हरेक बर्ष साउन २२ गतेलाई ‘कालो दिन’ को रुपमा बन्द गर्दै आएको छ ।
अरुण पूर्वका नौ जिल्लालाई आत्मनिर्णयको अधिकारसहितको स्वयक्त लिम्बुवान राज्य घोषणा गरिनुपर्ने परिषद्को माग छ । परिषद्को बन्दका कारण धनकुटा, तेह्रथुम, संखुवासभा, ताप्लेजुङ्ग, पाँचथर, ईलाम, सुनसरी, मोरङ र झापाको जनजीवन प्रभावित भएको हो ।
बन्दका क्रममा नौ वटै जिल्लामा कुनै अप्रिय घटना नभएको पूर्व क्षत्रीय प्रहरी कार्यालयले जनाएको छ । क्षेत्रीय प्रहरी कार्यालयका अनुसार बन्दका कारण धनकुटा, इलाम, पाँचथर र ताप्लेजुङ्गको जनजीवन बढी प्रभावित भएको छ ।
त्यस्तै सुनसरी, मोरङ, झापा लगायत जिल्लामा भने फाटफुट मात्रामा सवारी साधन सञ्चालन भएका थिए ।
