विराटनगर । लोक गायक तथा कलाकार जयनन्द लामाको आज निधन भएको छ । बिहान घरको गेटमै गाडीबाट लडेको अवस्थामा उनी मृत फेला परेका हुन् ।
Advertisement
सिन्धुपाल्चोकको बाह्रबिसेमा जन्मिएका लामाले थुप्रै मौलिक लोकगीत गाउनुका साथै चलचित्र र टेलिश्रृंखलामा अभिनयसमेत गरेका छन् । उनले मनको बाँध, छक्कापञ्जा लगायत चलचित्रहरुमा पनि अभिनय गरेका थिए । पछिल्लो समय हाँस्य टेलीश्रृंखला हल्का रमाइलोमा उनले अभिनय गर्दै आएका थिए ।
उनका कलकत्ते काइँयो, चुइँ चुइँ चुइँकने जुत्ता, मुलाको चाना, सलल पानी लगायत थुप्रै लोकगीतहरु चर्चित छन् ।
