इलाम । इलाम नगरपालिका–१० स्थित मेची राजमार्गमा बस दुर्घटना हुँदा एक जनाको मृत्यु भएको छ । चार जना घाइते छन् । मृत्यु हुँनेमा बाराको सिम्राहागण नगरपालिका–७ का ३५ बर्षीय प्रदिप कुसुवाह छन् ।
गएराती ९ बजे बाराबाट इलाम घुम्न आएका ४४ जना सवार ना.४ ख ६२४८ नम्बरको बस अनियन्त्रित भई सडकको नालीमा ठोक्किएको थियो । सोही क्रममा झ्यालबाट हाम्फाल्ने क्रममा बसले चेप्दा घटनास्थलमै कुसुवाहको मृत्यु भएको प्रहरीले जनाएको छ ।
Advertisement
दुर्घटनामा गंभीर घाइते भएका ४० बर्षीय धुरुप कुसुवाहको बिर्तामोडस्थित बि.एण्ड.सि. अस्पताल र अन्य तीन जनाको स्थानीय मेडिकलमा उपचार भइरहेको छ ।
