झापा । प्रेम दिवसकै दिन सोमबार झापाको भद्रपुरका एक युवाले श्रीमतीको हत्या गरेका छन् । भद्रपुर नगरपालिका–१ लाहुरे चौकका ३४ बर्षीय अमर बहादुर तामाङले चक्कु प्रहार गरी आफ्नै श्रीमती ३४ बर्षीया अनिता लिम्बुको हत्या गरेका हुन् ।
Advertisement
तामाङले बिहान साढे ५ बजे मोबाइल बिगारेको बिषयमा श्रीमती अनितालाई घाटी तथा शरिरमा चक्कु प्रहार गरेर हत्या गरेका हुन् । घटनापछि तामाङलाई सिमा प्रहरी चौकी पृथ्वीनगरले नियन्त्रणमा लिएको छ । उनलाई अनुसन्धानका लागि जिल्ला प्रहरी कार्यालय झापा पठाइएको छ ।
मृतकको शवलाई पोष्टमार्टमका लागि मेची अस्पताल लगिएको जिल्ला प्रहरी कार्यालय झापाले जनाएको छ ।
