मोरङ । मोरङको उर्लाबारी नगरपालिका–४ आइतबारेमा आमाको हत्या गरेको आरोपमा छोरा पक्राउ परेका छन् । पक्राउ पर्नेमा स्थानीय ३५ बर्षीय गंगा प्रसाद भण्डारी छन् ।
Advertisement
आइतवार साँझ साढे ४ बजे घरायसी विवादका क्रममा भण्डारीले ७० बर्षीया आमा चन्द्रमायालाई दाउराको चिरपट प्रहार गरेका थिए । चिरपटले लागेर गंभीर घाइते भएकी चन्द्रमायाको मदन भण्डारी अस्पताल तथा ट्रमा सेण्टर मंगलबारेमा उपचारका क्रममा राती साढे १० बजे मृत्यु भएको प्रहरीले जनाएको छ ।
आमाको हत्या गर्ने गंगा प्रसादलाई ईलाका प्रहरी कार्यालय उर्लाबारीले नियन्त्रणमा लिएर घटनाको विषयमा थप अनुसन्धान गरिरहेको छ ।
