धनकुटा, २१ साउन । कावेली विकास बैंकले जिल्ला अस्पताल धनकुटालाई एक थान टेलिभिजन प्रदान गरेको छ । धनकुटा सदरमुकाममा प्रधान कार्यालय रहेको उक्त बैंकले जिल्ला अस्पताललाई २८ हजार मुल्य बरावरको ३२ इन्चको एलइडी टेलिभिजन सेट प्रदान गरेको हो ।
बैंकका प्रमुख कार्यकारी अधिकृत शैलेन्द्र वादे श्रेष्ठ र जनसम्पर्क बिभाग प्रमुख मोहन ढुंगेलले अस्पतालका प्रमुख डा.मदनकुमार उपाध्यायलाई टेलिभिजन सेट हस्तान्तरण गरेका छन ।
Advertisement
अस्पतालमा आउँने बिरामीहरुलाई स्वास्थ्य सम्बन्धी जनचेतनामूलक सामाग्री देखाउँन र पालो कुर्न सहज होस् भन्ने उद्धेश्यले टेलिभिजन प्रदान गरिएको कावेली विकास बैंकका जनसम्पर्क बिभाग प्रमुख मोहन ढुंगेलले जानकारी दिए ।
उनका अनुसार अस्पतालमा आएका विरामी तथा सेवाग्राहीलाई पालो कुरिरहेका वेला पेनड्राइभ मार्फत जनचेतनामूलक सामाग्री देखाउँन सजिलो हुँने भएकाले एलइडी टेलिभिजन प्रदान गरिएको हो ।
