धनकुटा । नवौं छिन्ताङ सहिदकप फुटबल प्रतियोगिताको उपाधिका लागि आज अजम्वरी युवा क्लब र नाम्जे युवा क्लब भिड्ने भएका छन् । सहिदभूमि गाउँपालिका–१ सफाइटारमा जारी प्रतियोगिताको दिउँसो हुँने फाइनल खेलमा अजम्वरी र नाम्जे युवा क्लव आम्नेसाम्ने हुन लागेका हुन् ।
माहाङ युवा क्लब सहिदभूमि–७ लाई सेमिफाइनलमा १–० गोल अन्तरले पराजित गर्दै फेदीस्थित अजम्वरी युवा क्लब फाइनल पुगेको हो । यता, दोस्रो सेमिफाइनल खेलमा तमोर फुटबल क्लवलाई ३–० गोलले हराउँदै नाम्जे युथ क्लबले फाइनलको यात्रा तय गरेको हो ।
सहिदभूमि–१ स्थित मितेरी युवा क्लवको आयोजनामा माघ १६ गतेदेखि प्रतियोगिता सुरु भएको हो । प्रतियोगिताको विजेताले १ लाख र उप–विजेताले ५० हजार नगद पुरस्कार पाउँने आयोजक मितेरी युवा क्लबका संस्थापक अध्यक्ष भुपाल कार्कीले जानकारी दिए ।